Бир йилда “Ўзмелиомашлизинг” 41,2 млрд сўмлик техника сотиб олади

Тошкент. 28 декабр. ЎзТАГ – 2016 йилда “Ўзмелиомашлизинг” компанияси томонидан Суғориладиган ерларнинг мелиоратив ҳолатини яхшилаш жамғармаси маблағлари ҳисобига қиймати 41,2 млрд сўмлик 140 дона техника сотиб олишни режалаштирган, деб хабар беради Ўзбек телеграф агентлиги (ЎзТАГ).

Булардан 60 экскаватор, 21 бульдозер ва 59 дона бошқа турдаги техника ва  механизмлардир. Компания маълумотларига кўра, техника сув хўжалигининг мелиорация ва бошқа ишларига ихтисослашган эксплуатацион ва пудрат ташкилотларига, шунингдек, сувдан фойдаланувчилар фаолияти учун мўлжалланган.

Харид Ўзбекистон Қишлоқ ва сув хўжалиги вазирлигининг буюртмаси асосидаги Давлат дастурига мувофиқ амалга оширилган.

9 ойда дастурга мувофиқ 51 дона техника ва ширкатнинг ўз маблағи ҳисобига 16 дона техника сотиб олинган. Булардан 36 дона техника лизинг олувчиларга етказиб берилган.