Биринчи чоракда “Ўзбекэнерго” корхоналари томонидан 12,1 млрд. квт/соат электроэнергия етказиб берилди
Тошкент. 12 апрел. ЎзТАГ – Биринчи чоракда “Ўзбекэнерго” АЖ корхоналари томонидан 12,1 млрд. квт/с электроэнергия, 2,5 млн. Гкал иссиқлик энергияси етказиб берилди, деб хабар беради Ўзбек телеграф агентлиги (ЎзТАГ).
“Ўзбекэнерго”дан хабар беришларича, маҳсулот қийматини 102,3% пасайтиришга эришилган. Товар маҳсулотлари ишлаб чиқаришнинг ўсиш суръатлари 106,3 % ташкил этган.
Ўзбекистоннинг Инвестиция дастурига мувофиқ, 2016 йилда тармоқда 23та йирик инвестицион лойиҳа амалга оширилади. Бу йил 5та объектнинг киритилиши кўзда тутилмоқда.
“Толимаржон ИЭСнинг 450 МВт қувватга эга икки буғ-газ созламаси қурилиши билан кенгайтирилиши” лойиҳаси бўйича иссиқлик қозони, газ трубаларининг ёрдамчи ускуналари билан боғлиқ монтаж ишлари олиб борилмоқда. Шунингдек, “Ангрен ИЭСида 130-150 МВт қувватли энергоблокнинг қурилиши” лойиҳаси бўйича монтаж ва созлаш ишлари олиб борилмоқда.
Бундан ташқари, бошқа объектларда ҳам ишлар амалга оширилмоқда.
Эслатиб ўтамизки, “Ўзбекэнерго” АЖ электростанцияларида ўтган йилда 55,5 млрд кВт/соат атрофида электр энергияси ишлаб чиқарилган. Бу эса, 2014 йилдаги кўрсаткичдан 4,2% ортиқдир. Истеъмолчиларга эса 8,2 млн Гкал иссиқлик энергияси етказиб берилган.
