Биринчи ярим йилда Ўзбекистонда лизинг операциялари ялпи ҳажми 18,8% ўсди

Тошкент. 20 август. ЎзТАГ – 2015 йилнинг биринчи ярмида Ўзбекистонда лизинг операциялари ялпи ҳажми 18,8% ўсиб, 2,35 трлн сўмга етди, деб хабар беради Ўзбек телеграф агентлиги (ЎзТАГ).

“Йил бошидан бери лизинг берувчилар томонидан 3 427тага яқин янги лизинг битимлари тузилди, уларнинг ҳажми 422 млрд. сўмни ташкил этди. Лизингга берилаётган объектлар ўртасида технологик асбоб-ускуналар етакчилик қилди, 2015 йилнинг биринчи ярим йиллиги якунлари бўйича лизинг битимларининг умумий таркибида унинг улуши 34,1% ташкил этди. Шунингдек, қишлоқ хўжалик техникаси 33,5%, автотранспорт улуши 19,1%, кўчмас мулк улуши 13,3% ташкил қилди”, – деб таъкидлашди Ўзбекистон лизинг берувчилар ассоциациясида.

Ҳисобот даврида лизинг компаниялари ўртасида “Ўзқишлоқхўжаликмашлизинг” (133,1 млрд. сўм), “Ўзмелиомашлизинг” (41,1 млрд. сўм), “Ўзбек Лизинг Интернешнл А.О.” (35,0 млрд. сўм), “Ўзавтосаноатлизинг” (26,3 млрд. сўмов) ва “Қурилишмашлизинг” (14,8 млрд. сўм) каби компаниялар бозорнинг энг йирик қатнашчилари бўлдилар.

2015 йилнинг биринчи ярим йиллигида амалга оширилган янги лизинг битимларида минтақалар ўртасида энг катта улуш Тошкент шаҳрига тўғри келди – 21,28%, иккинчи ва учинчи ўринларда Самарқанд ва Тошкент вилоятлари жойлашган бўлиб, бу ерда улар ҳажми навбати билан 8,84% ва 8,03% ташкил этди.  

$1 = 2590,38 сўм