Биринчи ярим йилликда ўзбек автомобилларининг Россиядаги сотуви 12% қисқарди

Тошкент. 14 июл. ЎзТАГ – Европа бизнеси ассоциациясининг Автоишлабчиқарувчилар қўмитаси Россияда 2014 йилнинг биринчи ярмида янги автомобилларнинг сотилиш якунларига доир маълумотларни эълон қилди, дея хабар беради Ўзбек телеграф агентлиги (ЎзТАГ).
“GM Uzbekistan томонидан ишлаб чиқарилган автомобилларга россиялик харидорлар орасида талаб бир оз пасайди. 2014 йилнинг январ-июн ойларида уларнинг сотуви 12% қисқарди. Ушбу муддат давомида 24,019 минг автомобил сотилди (2013 йилнинг январ-июнида – 27,274 мингта). Июнда ўзбек автомобиллари сотуви 13% тушиб кетди. Ушбу ойда 3,131 минг автомобил (2013йил июнда – 3,594 минг дона) сотилди.
Умуман, ярим йиллик якунлари бўйича GM Uzbekistan Россия автобозорининг 2% эгаллади”, – дейилади Европа бизнеси ассоциациясининг Автоишлабчиқарувчилар қўмитаси хабарида.