Биринчи ярим йилликда “Ўзбекэнерго” АЖ 23 млрд квт/с электроэнергия етказиб берди

Тошкент. 26 июл. ЎзТАГ – 2016 йилнинг биринчи ярмида “Ўзбекэнерго” АЖ корхоналари томонидан 23 млрд квт/соат электроэнергия, 4 млн Гкал иссиқлик энергияси етказиб берилди, деб хабар беради Ўзбек телеграф агентлиги (ЎзТАГ).

“Ишлаб чиқариш харажатлари таннархини камайтириш бўйича чора-тадбирларни амалга ошириш натижасида маҳсулот таннархи 116,9% пасайтирилди. Ишлаб чиқариш фаолиятининг прогноз кўрсатгичларининг бажарилиши таъминланди. Соҳа бўйича товар маҳсулоти ишлаб чиқариш ҳажми 100,2% ташкил этди. Жамият корхоналарида маҳаллий хом-ашё асосида маҳаллийлаштирилган маҳсулотларни ишлаб чиқариш бўйича топшириқнинг бажарилиши 161,6% ташкил қилди”, - деб таъкидлашди “Ўзбекэнерго”да.

Шунингдек, 2016 йилнинг 1 ярмида 145,8 млн м. куб табиий газ, 107,5 млн кВт соат электр энергияси, 16,2 минг Гкал иссиқлик энергияси ва 144,4 тонна нефт маҳсулотлари иқтисод қилингани хабар берилмоқда.