БМТТД Ўзбекистондаги АКТ Ҳафталигини қўллаб-қувватлайди
Тошкент. 19 сентябр. ЎзТАГ – Бирлашган миллатлар ташкилотининг Тараққиёт дастури ваколатхонаси (БМТТД) Ўзбекистондаги ICTWEEK – АКТ Ҳафталигининг асосий ҳамкорларидан биридир, деб хабар беради Ўзбек телеграф агентлиги (ЎзТАГ).
БМТТД ҳар йили ҳафталик ташкил этиш ва ўтказишга кўмаклашади ва унга халқаро экспертларни таклиф қилиб, ҳафталик концепциясини шаклллантиришда, муҳокамаларда фаол қатнашади.
Хусусан, БМТТДнинг “Давлат хизматлари кўрсатишни яхшилаш учун электрон ҳукуматни илгари суриш” лойиҳаси “E-Government Uzbekistan” секциясининг ҳам ташкилотчисидир. Ушбу тадбир 21 сентябрда бўлиб ўтади.
БМТТД маълумотларига кўра, секция иштирокчилари электрон ҳукуматнинг давлат хизматлари институтининг шаклланишидаги ролини таҳлил қиладилар. Форумга таклиф этилган хорижий ва маҳаллий экспертлари “Бир дарча” марказлари фаолиятини тақдим этадилар.
Шунингдек, мамлакат иқтисодий ривожини қатнашишда электрон иштирок этишда очиқ маълумотларнинг ролини ошириш, электрон идентификация ва ахборот тизимларининг аҳамияти ҳақида маърузалар тақдим этилади.
