Болаларни қарғаган андижонлик ўқитувчига оғзаки огоҳлантириш берилди
Дата: 17:09, 26-09-2017.
Тошкент. 26 сентябр. ЎзТАГ – Болаларни қарғаган андижонлик 40-шаҳар ўрта мактаби ўқитувчиси Нигора Маткаримовага оғзаки огоҳлантириш берилди, деб хабар беради Ўзбек телеграф агентлиги (ЎзТАГ).
Сentralasian.org маълумотига кўра, бу жазо Андижон шаҳар Халқ таълими бўлими томонидан чиқарилган.
Аниқлаштирилишича, ота-оналарига шикоят қилган бешинчи синфнинг икки ўқувчиси жаҳлдор аёл томонидан қарғалган. Ҳодиса жорий йилнинг май ойида содир бўлган.
Эслатиб ўтамизки, бир неча кун олдин 50 ёшли ўқитувчи ўқувчиларига мурожаат қилган ҳолда уларни “Худо жазоларингни берсин! Оёқларинг шол бўлиб қолсин! Мактабгача етиб келмаларинг!” деб қарғагани акс этган видеоёзув эълон қилинган эди.
