Британия элчиси Тошкентда ўз мамлакати иқтисодиётини тақдим этди

Тошкент. 25 апрел. ЎзТАГ – Буюк Британиянинг Ўзбекистондаги элчиси Америка савдо палатасининг (AmCham) Тошкентдаги йиллик учрашувида британ иқтисодиётини тақдим этди, деб хабар беради Ўзбек телеграф агентлиги (ЎзТАГ).

Британия элчисихонасидан маълум қилишларича, учрашув 40 ортиқ AmCham аъзолари – хусусий тармоқ вакиллари ва Ўзбекистон дипломатик ҳамжамияти вакилларини бирлаштирди. Элчи Кристофер Аллан фахрий маърузачи сифатида қатнашди.

У ўз нутқида чуқур макроиқтисодий таҳлил орқали Буюк Британия иқтисодиёти ҳақида асосий маълумотларни очиқлаб, унинг таркиби, тармоқлари ва кейинги ўзгаришлар ҳақида батафсил сўзлаб берди.

Шунингдек, у Ўзбекистонда фаолият юритаётган британ компаниялари ҳақида маълумот бериб, Ўзбекистон ва Буюк Британия хусуий тармоғининг мавжуд имкониятлари ҳақида гапириб ўтди.

Британ элчиси ўз нутқида Савдо-саноат бўйича Ўзбек-Британ Кенгашининг бўлажак йиғилиши ҳақида эслатиб ўтди. Маълумки кенгаш йиғилишини Тошкентда жорий йилнинг кузида ўтказиш режалаштирилган.