Бугун Денис Истомин Australian Open 2017да кучли Григор Димитров билан саккизликка чиқиш учун беллашади

Тошкент. 23 январ. ЎзТАГ – Бугун тошкент вақти билан соат 11.00 бўлмасдан олдин эмас Australian Open 2017нинг Арена Маргарет кортида ўзбек теннисчиси Денис Истомин болгар Григор Димитров билан кучли саккизликка чиқиш учун беллашади, деб хабар беради Ўзбек телеграф агентлиги (ЎзТАГ).

Бугунда Денис Профессионал теннисчилар уюшмаси рейтингида (АТР) 117-ўринда бўлса, Григор – 15-поғонада. Теннисчилар ўзаро бир марта учрашишган ва унда болгар спортчиси ғалаба қозонган.

Теннисчилар кортда ўтказган вақтлари, – Истомин Димитровга қараганда икки баравар кўп вақт ўтказган, – спортчиларнинг куч салоҳияти ва болгарнинг АТР энг кучли 10талигига киришга бўлган улкан истагини ҳисобга олган ҳолда барча букмекерлик идоралари Болқон вакилининг имкониятларини юқори баҳоламоқдалар. Денис эса кўпи билан бир сет туриб беради, деб тахмин қилинмоқда.

Лекин Истоминга Жоковичга қарши учрашувда ким мингдан бир имконият берган эди?

Олдин хабар берилгани каби, Australian Open 2017нинг иккинчи доирасида  Д.Истомин ATP рейтингининг 2-поғонасида бўлган серб Н.Жокович устидан сенсацион ғалаба қозонган эди.

Эслатиб ўтамизки, теннис бўйича Австралиянинг очиқ чемпионати (Australian Open Tennis Championships) – Катта Дубулға туркумига кирувчи тўрт турнирдан биридир. У Мельбурн шаҳрида маҳаллий “Мельбурн Парк” мажмуи кортларида ўтказилади. Икки ҳафта давом этувчи мусобақада катталар ўртасида беш тоифада, катта юниорлар ўртасида тўрт тоифада ғолиблар аниқланади.

Australian Open-2017нинг соврин жамғармаси 50 млн австралия долларига ($36,2 млн) тенг. Эркаклар ва аёллар ўртасида ғолиблар $2,68 млндан оладилар.