Бугун Тошкентда “Ҳаёт – ҳаракатда!» фотокўргазмаси очилмоқда

Тошкент. 9 октябр. ЎзТАГ – Бугун Тошкентда “Ҳаёт – ҳаракатда!» фотокўргазмаси очилмоқда. Унда 5 ёшдан 78 ёшгача бўлган замондошларимзнинг портретлари коллекцияси тақдим этилади, дея хабар беради Ўзбек телеграф агентлиги (ЎзТАГ).

“Лойиҳа кўпчилик таниқли шахсларни кенг жамоатчиликка номаълум бўлган ҳолатларда тақдим этади. Хусусан, бу ерда машҳур хонанданинг йога билан шуғулланаётганлиги, арм-рестлинг бўйича баҳслашаётган таниқли телебошловчилар, оғир атлетика билан қизиқадиган тадбиркор, кунига гамнастика машқларини бажарувчи беш ёшар қизалоқ ва бошқа кўплаб суратларни кўриш мумкин. Кўргазма муаллифлари – Муҳиддин Али ва Динара Дэ ижобий тандемидир. Улар спорт билан шуғулланаётагн оддий инсонлар ҳаётларини акс эттиришга ҳаракат қилганлар”, – деб таъкидлашди маданият ва спорт ишлари вазирлиги матбуот хизматида.

Эслатиб ўтамизки, кўргазма 9 - 20 октябр кунлари бўлиб ўтади.