Букмекерлар Испаниянинг устун келишига ишонмоқдалар, лекин голландлар ғалаба қозониш учун жонларини жабборга беришга ҳам тайёрлар

Тошкент. 14 июн. ЎзТАГ – Букмекерлар Испания термасини устун қўймоқдалар (ғалаба – 1,83, мағлубият – 5,29), лекин голландлар ютиш учун жонларини жабборга берадилар, дея хабар беради Ўзбек телеграф агентлиги (ЎзТАГ) футбол бўйича Бразилиядаги жаҳон чемпионатининг иккинчи куни олдидан.
Букмекерларнинг мундиал гуруҳ босқичининг безаги бўлиши кутилаётган Испания ва Голландия ўйинлари бўйича прогнозлари худди ана шундай.
Айнан ушбу жамоаларнинг 2010 йилги жаҳон чемпионати финалида ўйнаганлиги ҳам ўйинга қизиқишни оширмоқда. Ўшанда испанлар минимал ҳисоб билан Андрес Иньестанинг голи ҳисобига ғолиб бўлган эдилар.
Айни пайтда испан ва голландлар мазкур учрашувга турли кайфиятда келмоқдалар. Испания термаси 2012 йилги Европа чемпионатини ютган ва Висенте дель Боске Бразилияга ўша чемпионатнинг 16 иштирокчисини олиб келган. Голландия эса ўша чемпионатда жуда ёмон қатнашган. Шу сабабли голландлар бош мураббийи Луи ван Галл мудофаа линиясини тўлиқ янгилади.
Ким испан хужум чизиғидаги Хави, Иньеста, Сильва ва Диего Костани билмайди?
Лекин ким Янмат, Де Врей, Влар, Мартинс Инди, Блиндни танийди? Булар голланд ҳимоячилари.
Шу сабабли ҳам ушбу жамоалар ўйини ҳаммада катта қизиқиш уйғотмоқда. Агар голландлар испанлардан қўрқмасалар – ўтган европа чемпионатидаги мағлубият учун ўч олишлари мумкин. Яна ким билади? Омон бўлсак, кўрармиз!