Буюк Британия элчиси Фарғона водийсига ташриф буюрди

Ташкент. 5 апреля. УзТАГ – 24-25 мартда Буюк Британиянинг Ўзбекистондаги элчиси Кристофер Аллан Наманган, Андижон ва Фарғона вилоятларига ташриф буюрди, деб хабар беради Ўзбек телеграф агентлиги (ЎзТАГ).

Элчихонадан маълум қилишларича, 24 март куни К.Алланнинг Наманган вилояти ҳокими ўринбосари Тўлқин Дадабоев, Наманган шаҳри хокими Баҳодир Бекхўжаев ва ТИАИСВ ва ССП вилоят бўйича вакиллари билан учрашди.

Мулоқот чоғида ҳудуд ва Наманган шаҳридаги ишбилармонлик муҳити муҳокама қилинди. Бугун вилоятда британ капитали иштирокида 5 компания фаолият ютирмоқда, яқинда йирик текстиль фабрикасини ишга туширишга тайёргарлик кетмоқда.

Шунингдек, Буюк Британия элчиси вилоят ва шаҳар ҳокимиятлари қошидаги Ахборот хизматлари, тадбиркорларга “бир ойна” принципида давлат хизматлари кўрсатувчи Ягона марказлар иши билан ҳам танишди.

Сўнгра элчи Андижон вилоятига ташриф буюрди. Бу ерда ҳам у ТИАИСВ ва ССП вилоят бўйича вакиллари билан учрашув ўтказди.

25 мартда К.Аллан Фарғона вилоятига ташриф буюрди ва мамлакатнинг тарихий ва маданий марказлари бўлган Марғилон, Риштон ва Қўқон шаҳарларида бўлди.