Чегара бузувчиларнинг ярмидан кўпи Қирғизистон билан чегарада ушланган
Тошкент. 17 ноябр. ЎзТАГ – Октябр ойида чегара бузувчиларнинг ярмидан кўпи: 127 тадан 64таси Қирғизистон билан чегарада ушланди, деб хабар беради Ўзбек телеграф агентлиги (ЎзТАГ).
Шунингдек, Қозоғистон билан чегарада 45 киши, Тожикистон билан чегарада 16 киши ва Туркманистон билан чегарада 2 киши ҳибсга олинган. Афғонистон билан чегарада чегара бузилмаган.
“Бундан ташқари, Ўзбекистон чегараси орқали 1,8 млрд. сўмдан зиёдлик маҳсулотлар, асосан, уяли телефонлар, маиший техника ва турли хил контрафакт маҳсулотларни ноқонуний олиб киришга уринишлар бўлди. Қайд этиш зарурки, қўлга олинган товарларнинг асосий қисми Қирғизистон ва Тожикистон билан чегарага тўғри келади”, - дейилади Давлат чегарасини қўриқлаш бўйича қўмита хабарида.
Масалан, 13 октябр куни Қирғизистон билан чегарада чегарачилар республикага қиймати 36 млн сўмликдан кўпроқ телевизорларни ноқонуний олиб киришга чек қўйдилар. Ушбу юк Фарғона вилояти Майдон чегара пункти ҳудудида қўлга олинган.
17 октябрда Тошкент вилояти Бекобод тумани “Цементчи” маҳалласида Тожикистондан келтирилган катта миқдордаги контрабанда уяли телефонлари тўхтатилди. Ушбу партиянинг умумий қиймати 878 млн. сўмга баҳоланмоқда.
Шунингдек, 29 октябр куни Фарғона вилояти Қувасой шаҳрида Валик аҳоли пунктида ўтувчи Қирғизистон чегарасида уч қирғиз фуқаролари қўлга олинди. Улар қиймати 58 млн сўмлик молларни Ўзбекистонга ноқонуний олиб ўтишга уринганлар.
Ҳибсга олинган барча моллар давлат даромадига мусодара қилинди, қўлга олинган шахсларга нисбатан Ўзбекистон Республикаси қонунчилигига мувофиқ чоралар кўрилди.
