ЎзТАГ
Ўзбек телеграф агентлиги

Тошкент, 2:48 | 09 декабр

Чехия ҳукумати Ўзбекистонлик талабаларга уч стипендия ажратди

Дата: 16:17, 31-07-2015.

Тошкент. 31 июл. ЎзТАГ – Чехия ҳукумати Ўзбекистонлик талабаларга 2016-2017 ўқув йили учун уч стипендия ажратди, деб хабар беради Ўзбек телеграф агентлиги (ЎзТАГ).

Чех Республикасининг Ўзбекистондаги элчихонасидан хабар беришларича, танлов конкурсининг биринчи босқичи 2015 йил сентябри ўртасида бўлиб ўтади. Конкурс танлови элчихона иштирокисиз мустақил ўтказилади.

Давлат стипендиясини олишни истаганларга Чех Республикасининг Ўзбекистондаги элчихонаси ва Прагадаги Таълим ва жисмоний тарбия вазирлигининг интернет-саҳифасини кузатиб бориш таклиф этилади.

Эслатиб ўтамизки, ушбу стипендиялар Чех Республикаси ҳукуматининг 2012 йил 25 апрелдаги 301 сонли 2013-2018 йилларда Ривожланаётган мамлакатлар талабаларига ҳукумат стипендиялари бериш стратегияси ҳақидаги қарорига мувофиқ ажратилмоқда.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди