Чехиянинг Ўзбекистондаги элчихонаси VISA POINT тизими ишини вақтинчалик тўхтатди
Дата: 13:14, 16-07-2015.
Тошкент. 16 июл. ЎзТАГ – Чехиянинг Ўзбекистондаги элчихонаси узоқ муддатли визалар бўйича VISA POINT тизими иши 2015 йил 21 июлга қадар вақтинчалик тўхтатилгани ҳақида ахборот тарқатди, деб хабар беради Ўзбек телеграф агентлиги (ЎзТАГ).
“VISA POINT тизимининг иши техник сабабларга кўра 2015 йилнинг 13-июли соат 13дан бошлаб 2015 йил 21-июл соат 7гача тўхтатилади. Ушбу вақтинчалик тўхташ рўйхатга олинган аризачиларга таалуқли эмас. Уларнинг аризалари одатдаги тартибда қабул қилинади”, – дейилади Чехия элчихонаси хабарида.
