Чемпионлар лигаси биринчи яримфинал ўйинлари якунлари бўйича “Реал” ва “Атлетико” яққол устундай кўринмоқда

Тошкент. 28 апрел. ЎзТАГ - Чемпионлар лигаси биринчи яримфинал ўйинлари якунлари бўйича “Реал” ва “Атлетико” яққол устун каби туюлмоқда, деб хабар беради Ўзбек телеграф агентлиги (ЎзТАГ) турнир ушбу босқичининг биринчи ўйинлари якунидан сўнг.

Бирданига қайд этиш зарурки, Англияда бўлиб ўтган “Манчестер Сити” ва “Реал” ўртасидаги ўйин ўта зерикарли ва қизиқарсиз кечди. Яя Туренинг йўқлиги ва майдонни тезда тарк этган Сильвадан кейин Пеллегрини шогирдларида муаммолар пайдо бўлди. Шу сабабли, бутун ўйин бўйлаб улар ўндан завқ олиш ўрнига, азоб чекдилар, дейиш мумкин.

 Айни пайтда “Реал”да бундан ҳам катта йўқотишлар мавжуд эди, чунки ўйинда Криштиану Роналду қатнашмади. Шу сабабли “Реал” биринчи таймни ланж ўтказди.

Жамоанинг ўз суперюлдузисиз хужумларни кескинлаштириши қийин бўлди. Лекин  иккинчи тайм жамоа Роналдусиз ҳам ўйнаши мумкинлиги кўрсатди. “Сити” дарвозасига фақат бахтли тасодиф туфайли гол урилмади.

Зерикарли илк ўйиндан кейин “Атлетико” “Бавария”ни қабул қилган ўйинни бир оз ҳадик билан кутиб оласан киши. Одатда биринчи ўйинда ҳеч ким таваккал қилишни истамайди...лекин испан жамоасининг мураббийи Диего Симеоне жамоаси устунлигини кўрсата олди.

Саулнинг голини фантастик дейиш мумкин. Боз устига, у худди Месси каби дриблингга эга. Аслида “Атлетико”, зарур бўлса, анча тезкор футбол кўрсатувчи “Бавария”ни ҳам доғда қолдирувчи тезлик кўрсата олишини исботлаб қўйди.

Ўз навбатида, Хосеп Гвардиоладан ўз вақтида вос кечган немис жамоасининг хўжайинларининг донолигига яна бир амин бўласан. Чунки бу – унинг жамоаси эмас. Юппа Хайнкес давридаги “Бавария”га хос бўлган характер энди йўқ: жамоа ишончсиз ва пала партиш ўйин кўрсатмоқда.

Шу сабабли ойдин бир ҳолатни айтиб ўтиш зарур: ҳар икки яримфиналда аниқ устунлар бор. Булар “Реал” ва “Атлетико”. Лекин иккинчи ўйинларда нима бўлишини олдиндан айтиш жуда қийин. Нега? Чунки бу футбол, тўп эса – думалоқ…