Чимкентдаги қозоқ-ўзбек бизнес-форуми доирасида $62 млнлик меморандумлар имзоланди
Тошкент. 23 май. ЎзТАГ – Чимкентдаги қозоқ-ўзбек бизнес-форуми доирасида $62 млнлик меморандумлар имзоланди, дея маълум қилди ЖҚВ тадбиркорлар палатаси директори Аскар Абубакиров, деб хабар беради КазТАГ.
“Чимкентдаги қозоқ-ўзбек бизнес-форуми доирасида $62 млнлик меморандумлар имзоланди. Ушбу анжуманга Ўзбекистоннинг 160 дан зиёд компаниянинг 30 нафар расмийлари ташриф буюрдилар. Форум бизга шерикларни қидириш, уларнинг тажрибасини ўрганиш, нима борлигини кўриш ва буни биз ҳам қилишимиз мумкинлигини билишга имкон беради. Мисол учун, уларнинг корхоналаридан бири 90% тўқимачилик маҳсулотларини Москвага экспорт қилади. Шу билан бирга, хом ашёнинг 90% импорт қилинади. Агар улар қилишган бўлса, биз ҳам буни қила оламиз”, - деди Абубакиров.
Натижада форум якуни бўйича 8 та меморандум имзоланди. Бир меморандум доирасида Ўзбекистон компанияси Жанубий Қозоғистон вилояти тўқимачилик саноатига сармоя киритмоқчи. Иккинчи ҳужжат доирасида “Онтустик” эркин иқтисодий зонаси ҳудудида тўқимачилик корхонасини қайта тиклаш режалаштирилган. Ҳамкорлик бўйича учинчи меморандум икки мамлакатнинг тўқимачилик корхоналари томонидан тузилди.
Бундан ташқари, тиббий буюмлар ишлаб чиқариш заводи қурилиши бўйича келишувга эришилди. “Дентафиль плюс” МЧЖ ўзбек томонидан ҳамкор сифатида қатнашмоқда. Кейинги ҳужжат икки корхона “Sas-tobetechnologies” МЧЎ томонидан “Goldoptimus” ўзбек компанияси учун $2 млнлик маҳсулот етказиб беришни кўзда тутади.
Имзоланган меморандумлар бўйича рекордчи Жанубий Қозоғистоннинг Ferrum-Vtor корхонаси бўлди. Корхона ўз маҳсулотларини Ўзбекистонга етказиб бериш бўйича умумий қиймати $50 млнлик 3 та битим тузди.
“Биз Ўзбекистонга металл парчаларни етказиб берамиз. Бу йил етказиб бериш ҳажмини икки бараварга оширамиз. Биз янги технологияларга ўтдик ва бу бизга ишлаб чиқариш ҳажмини ошириш имконини берди. Бизда Озарбайжон, Эрондан буюртмалар бор, лекин биз фақат Ўзбекистонга етказиб бермоқдамиз, чунки улар бизнинг маҳсулотни тўлиқ сотиб олмоқда. Тоғ-кон маҳсулотини бойитиш комбинатига металл парчалар етказиб бериш бўйича $30 млнлик шартномалар тузилган. Ва яна Ўзбекистонга арматура етказиб бериш бўйича $10 млндан икки шартнома учун имзоланган”, - деди Ferrum-Vtor гуруҳи бошқарувчи директори Бауржан Альтеев.
Жорий йилнинг I чорагида Ўзбекистон ва Жанубий Қозоғистон вилояти ўртасидаги товар айирбошлаш ҳажми 126,3%га ўсди ва $125,7 млнни ташкил этди.
Сурат манбаи: https://www.zakon.kz
