Чиройли футбол ҳатто Африкада ҳам чиройли футбол

Тошкент. 3 июл. ЎзТАГ – Тўлқин Тошимов. Куни-кеча биз Россиядаги 2018 йилги жаҳон чемпионатида Бразилия ва Мексика, Бельгия ва Япония ижросида ҳақиқий футболнинг гувоҳи бўлдик.

Мен дарҳол “ҳақиқий футбол” деганда нимани назарда тутганимни тушунтириб ўтаман. Ўтган куни, Испания ва Россия, Хорватия ва Дания бир-бири билан ўйнаганида, турнир аста-секин зерикарли футбол томошасига айлана бошлагандай туюлган эди. Баъзи таҳлилчилар Черчесовнинг шогирдлари томонидан кўрсатилган футболни “автобус” дея аташди. Бундай ўйин барча 11 футболчининг мудофаада бўлиши ва рақибнинг бу тўсиқни бузиб ўтиш учун кўплаб уринишларини билдиради. Ўз навбатида, ҳар қандай рақибни осонгина енгишлари мумкинлигига ишонишган испанияликлар уялиб қолишди. Хорватлар эса жуда эҳтиёткорлик билан ўйнашди, кўпинча кўп сонли бўлмаган футболчилар билан олдинга юришди, Дания ҳам ўз дарвозаларини ҳимоя қилишга катта эътибор қаратди.

Бразилия ва Мексика, Бельгия ва Япония, Франция ва Аргентина, Португалия ва Уругвай ўйнаган 1/8 финал ўйинларининг биринчи кунидаги каби кучли, юқори сифатли ва ёрқин футбол намойиш қилдилар. Ҳеч қандай “автобус”ларсиз ва ҳужумни футболда мақсадга етказиши мумкин бўлган ягона восита деб билган ҳолда.

Ўйин бошиданоқ мексикаликлар суръатни кескин оширишди, пентакампеонларнинг ҳимояси эса улкан босимни қайта-қайта ҳис қилди. Бу ҳол яна бир оз давом этса жароҳат туфайли Марселони йўқотган мудофаа рақиб босими остида эгилиб, гол ўтказиб юборишни бошлайдигандай туюлган эди. Бироқ бразилияликлар нафақат техник жиҳатдан, балки руҳий жиҳатдан ҳам кучли эканликларини кўрсатдилар. Улар қадамба қадам олдин тўпни, кейинчалик ташаббусни ҳам қўлга олиб, ниҳоят, ҳал қилувчи сакрашга тайёр бўлишди.

Иккинчи таймда биринчи 55 дақиқада, Неймар биринчи голини ва 88-дақиқада Фирмино иккинчи голни киритди. Ва бутун ўйин давомида тўп майдоннинг марказида камроқ бўлиб, бир дарвозадан иккинчисига қараб учиб юрди. Бразилияликлар ҳам, мексикаликлар ҳам ўзларини тўлиқ намоён этишди: юқори тезлик ва техника, филигран узатишлар, классик ҳаракатланишлар, қизиқарли ечимлар. Бу футболнинг бутун гўзаллигини кўрсатган ўйин бўлди.

Кейинчалик майдонга Бельгия ва Япония тушди. Ҳамма гуруҳда барчани янчиб кетган бельгияликлардан ёрқин футбол ва кўплаб голлар кутган эди. Аммо бутун дастлабки тайм разведкага кетди, жамоалар рақибнинг заиф нуқталарини қидирдилар. Аммо бу фақат разведка эди. Бундай разведкани томошабинлар катта завқ билан томоша қиладилар.

Иккинчи таймнинг бошидан бошлаб, 48 дақиқа ва 52 дақиқа орасида бельгияликлар дарвозасига икки гол кириб кетди. Бунда тезкор ҳужумларни Харагучи ва Инуи якунига етказди. Аммо Дортмунднинг “Боруссия” клуби ва Япония миллий жамоаси ярим ҳимоячиси Шинжи Кагаванинг ўйинини таъкидлаб ўтиш лозим. Айнан у япон ҳужумининг “мияси” бўлди, кўпинча ташаббусни қўлига олиб, фантастик тўплар узатди.

Иккита голдан сўнг Бельгия бир мунча вақт ўйлаб қолди ва мураббий Маруан Феллайни ва Насер Шадлиларни майдонга туширди. Ва бельгияликларнинг 64-дақиқадан 94-дақиқагача учта гол ургани, бу кўпчилик Осиё жамоалари катта муаммосидан далолат беради – улар иккинчи таймнинг иккинчи ярмида чарчаб қоладилар, концентрацияни йўқотадилар ва кўплаб ​​техник хатолар қиладилар.

Қизиғи, учрашув “Қўзилар сукути” фильми каби кўрилди. Иккинчи бўлим бошида кўпчилик мухлислар Бельгияни ватанига жўнатиб улгурганда белгияликлар 5-дақиқада икки гол урдилар ва ҳисобни тенглаштирдилар, қўшимча вақтда рақибни бутунлай енгишди. Буни ҳақиқий триллер дейиш мумкин.

Бундай ўйинлардан кейин ҳеч ким уялиб қолмайди. На юқори даражадаги ўйин кўрсатган бразилияликлар, ёки охиригача шер каби жанг қилган мексикаликлар, на иродали ғалаба қозонган бельгияликлар, ва на ғалабага яқин қолган ва майдонда бутун кучини қолдириб чиққан японияликлар.

Эслатиб ўтамизки, ЖЧ-2018 – ФИФАнинг футбол бўйича 21-жаҳон чемпионати бўлиб, унинг финал қисми Россияда 2018 йил 14 июндан 15 июлгача бўлиб ўтади. Россия ўз тарихида биринчи бор турнирга мезбонлик қилмоқда. Чемпионат Россиянинг 11 шаҳридаги 12 стадионларда ўтказилмоқда. Бундан ташқари, чемпионатда илк марта ҳакамларга видеоёрдам тизимидан фойдаланилмоқда.

Сурат манбаи: https://www.livesport.ru/football/2014/06/27/kagawa/