Czech Airlines Ўзбекистонга Украина ҳудудини айланиб учади
Дата: 18:17, 18-07-2014.
Тошкент. 18 июл. ЎзТАГ – Чехиянинг Czech Airlines авиакомпанияси Ўзбекистонга Украина ҳудудини айланиб учади, дея хабар беради Ўзбек телеграф агентлиги (ЎзТАГ).
Бу ҳақида яқинда “Радио Прага” хабар қилди.
Шундан қилиб, чех миллий авиаташувчиси бошқа Европа ва Россия авикомпаниялари каби Украина шарқидаги ҳарбий ҳаракатлар ўтаётган ҳудуд устидан учмасликка қарор қилди. Бу ҳол “Малайзия авиалиниялари” компанияси самолёти билан Донецк устида содир бўлган фожеа билан боғлиқ.
Эслатиб ўтамизки, Malaysia Airlines компаниясининг Boeing-777 самолёти пайшанба куни кечаси Украинанинг украина ҳарбийлари ва сепаратистлар ўртасида тўқнашувлар давом этаётган Донецк вилояти устида уриб туширилди. Зенит ракетасини ким учиргани ҳали маълум эмас.
Амстердамдан Куала-Лумпурга қараб учаётган лайнер бортида 298 киши, шу жумладан 15 экипаж аъзолари бўлган. Авиаҳалоткат натижасида ҳеч ким омон қолмаган.
