Дам олиш кунлари Ўзбекистонда кучли ёмғирлар ёғиши кутилмоқда
Дата: 17:53, 06-05-2015.
Тошкент. 6 май. ЎзТАГ – Дам олиш кунлари Ўзбекистонда кучли ёмғирлар ёғиши кутилмоқда, деб хабар қилинади Ўзбекистон Гидрометеорология хизмати маркази (Ўзгидромет) сайтидаги хабарда.
“8-9 майда Ўзбекистон ҳудудида жала характеридаги кучли ёмғирлар ёғиб ўтиши кутилмоқда, баъзи жойларда момақалдироқ бўлиб, шамол 15-20 м/секундгача кучаяди”, - дейилади хабарда.
Бундан ташқари, 7-10 майда мамлакатнинг тоғолди ва тоғли ҳудудларида сел келиши ҳавфи бор.
