ДБҚ Ўзбекистон шаҳарларида сайёҳлар учун duty-free дўконларини очишни таклиф қилди

Тошкент. 8 феврал. ЎзТАГ – Давлат божхона қўмитаси (ДБҚ) Ўзбекистон шаҳарларида сайёҳлар учун duty-free дўконларини очишни таклиф қилди, деб хабар беради Ўзбек телеграф агентлиги (ЎзТАГ).

ДБҚ томонидан тайёрланган Божхона кодексига қўшимча ва ўзгартиришларга мувофиқ, duty-free дўконлари нафақат аэропортлар, балки Ўзбекистоннинг туристик шаҳарларидаҳам очилиши мумкин. Қонун лойиҳаси Норматив-ҳуқуқий ҳужжатлар муҳокамаси порталида (regulation.gov.uz) жойлаштирилган.

Қайд этиб ўтамизки, ҳозирда Ўзбекистонда божсиз савдо дўконларининг (duty-free) икки тури фаолият юритади: мамлакат чегарасини кесиб ўтаётган жисмоний шахслар учун, ТИВда аккредитациядан ўтган хорижликлар учун.

Қўмита дўконларнинг учинчи тури – Ўзбекистон ҳудудида вақтинча бўлиб турган чет элликлар учун савдо қиладиганларини очишни таклиф қилмоқда. Бу дўконларда Ўзбекистон божхона ҳудудига олиб кирилган ёки мамлакатнинг ўзида ишлаб чиқарилган маҳсулотлар ҳам миллий, ҳам хорижий валюта эвазига сотилади.

Сурат манбаи: https://kubnews.ru