Денис Истомин Атланта чемпионатининг бошланғич доирасидан ўтди
Дата: 16:34, 24-07-2014.
Тошкент. 24 июл. ЎзТАГ – Ўзбекистоннинг биринчи ракеткаси Денис Истомин Атланта шаҳридаги (АҚШ) АТР BB&T Atlanta Open теннис турнирининг бошланғич доирасидан муваффақиятли ўтди. Ушбу турнир жорий йилнинг 19-27 июл кунлари давом этади, дея хабар беради Ўзбек телеграф агентлиги (ЎзТАГ).
Мамлакат миллий Олимпия қўмитасидан хабар беришларича, биринчи доирада Денис Истомин 1 соату 8 дақиқада америкалик теннисчи Ражив Рамни 6-1, 6-4 ҳисобида енгди.
Турнирнинг иккинчи доирасида 6 рақамда ўйнаётган Денис Истомин Лукаш Лацко (Словакия) билан беллашади.
Теннис бўйича Атлантанинг очиқ чемпионати ATP World Tour 250 тоифасига кириб, соврин жамғармаси $568,8 мингга тенг.
