Денис Истомин АТР рейтингида юқори кўтарилди

Тошкент. 11 май. ЎзТАГ – Ўзбекистоннинг биринчи ракеткаси Денис Истомин Профессионал теннисчилар уюшмаси (АТР) рейтингида юқори кўтарилиб, дунёнинг 64-ракеткасига айланди, деб хабар беради Ўзбек телеграф агентлиги (ЎзТАГ).

Лекин жорий йилда Денис яхши натижалар кўрсатмаяпти. Хусусан, у атига уч ўйинда ғалаба қилди. Булар британ Жон-Патрик Смитга Ирвингдаги Челленжердаги, хорват Борн Чоричга қарши Майамидаги ва итальян Лоренцо Жустинога қарши Марракешдаги баҳслардир.  Қолган 10дан кўп беллашувларни эса ютқазди. Шунга қарамасдан, 771 очко йиғиб, сўнгги АТР рейтингида 64- бўлди.

Ундан олдинда аргентиналик Диего Шварцман, австралиялик Жон Миллман ва исроиллик Дуди Села бўлса, қуйида эса испан Иньиго Сервантес, француз Поль-Анри Матье ва украин Илья Марченколар жойлашган.

АТР рейтингининг биринчи бешталигида серб Новак Жокович, швейцар Рожер Федерер, британ Энди Маррей, швейцар Стэн Вавринка ва испан Рафаэль Надаллар боришмоқда.