Денис Истомин Брисбендаги АТР турнирининг чорак финалида америкалик Райан Харрисонга қарши тушади

Тошкент. 5 январ. ЎзТАГ – Бугун, 5 январ куни ўзбекистонлик теннисчи Денис Истомин Брисбенда (Австралия) Профессионал теннис ассоциацияси (АТР) турнирининг чорак финалида америкалик Райан Харрисон билан ўйнайди, деб хабар беради Ўзбек телеграф агентлиги (ЎзТАГ).

Мазкур босқичнинг бошқа иштирокчилари орасида АТР рейтингида навбати билан 3- ва 21-ўринларни эгаллаган болгариялик Григор Димитров ва австралиялик Ник Кириосларни ажратиб кўрсатиш мумкин.

Истомин мусобақанинг биринчи турида Босния ва Герцоговинадан бўлган теннисчи Дамир Жумҳурни мағлубиятга учратди. Денис биринчи сетни бой берди, кейинчалик 6:3 ва 6:2 ҳисобида ғалаба қилди.

Денис турнирнинг иккинчи раундида америкалик Жаред Дональдсонни 7:6 ва 6:2 ҳисобида мағлубиятга учратди.

Бугунги кунда Истомин АТР рейтинги 63-ўринни, Харрисон эса 47-ўринни эгаллаб турибди.  

Сурат манбаи: http://www.gotennis.ru/read/news/denis_istomin_stal_obladatelem_wild_card_na_otkrytyji_chempionat_avstralii.html