Денис Истомин Дубайдаги АТР турнири иккинчи доирасига ўта олмади
Тошкент. 24 феврал. ЎзТАГ – Ўзбекистоннинг биринчи ракеткаси Денис Истомин Дубайдаги АТР турнири иккинчи доирасида Қозоғистонлик Михаил Кукушкинга 5:7, 6:7 ҳисобига мағлуб бўлди, деб хабар беради Ўзбек телеграф агентлиги (ЎзТАГ).
Бугуннинг ўзида Кукушкин дунёнинг 33-ракеткаси австралиялик Ник Кирьосга қарши майдонга тушади.
Эндиликда Истомин ва Кукушкин ўртасилаги шахсий учрашувлар ҳисоби тенглашди – 4:4.
Тахмин қилганимиз каби, спортчилар бир тай-брейк ўйнадилар, унда омад Михаилга кулиб боқди.
Турнир бошида дунёнинг биринчи ракеткаси серб Новак Жокович испаниялик Томми Робредони (6:1, 6:2), швейцар Стэн Вавринк эса украиналик спортчи Сергей Стаховскийни (5:7, 6:3, 7:5) енгди.
Эслатиб ўтамизки, Дубай теннис чемпионати ҳар йили феврал ойида БААдаги Aviation Club Tennis Centre қаттиқ қопламали кортларида ўтказиладиган профессионал теннис турниридир. 2015 йилдан бери соврини $2 млн бўлган эркаклар турнири ATP 500 сериясига киради. Мусобақа яккаликда 32 ва жуфтликда 16 жуфтга мўлжалланган жадвалга эга.
