Денис Истомин Германияда Яркко Ниеминенни енгди
Дата: 17:50, 21-05-2014.
Тошкент. 21 май. ЎзТАГ – Ўзбекистоннинг биринчи ракеткаси Денис Истомин Düsseldorf Open турнирини муваффақиятли бошлади, дея хабар беради UzDaily.uz сайти.
Турнирнинг биринчи босқичида Истомин дунёнинг 51-ракеткаси фин Яркко Ниеминенни уч сетда 6/7(5), 6/3, 6/2 ҳисобида енгди.
Ўйин 1 соат 56 минут давом этди. Денис Истомин ҳисобида тўққизта эйс ва учта иккиталик хато бўлди. Ўз навбатида, Яркко Ниеминен ҳисобида учта эйс ва учта иккиталик хато бўлди.
Турнирнинг иккинчи босқичида Истомин Жейсон Кублер (Австралия) ва Алессандро Жаннесси (Италия) ўйинининг ғолиби билан беллашади, деб ёзади нашр.
