Денис Истомин илк маротаба Ноттингемдаги АТР турнирида ғалаба қилди
Тошкент. 29 июн. ЎзТАГ – Ўзбекистоннинг биринчи ракеткаси Денис Истомин Ноттингем очиқ чемпионатида америкалик Сэм Куэррини 7:6 (7:1), 7:6 (8:6) ҳисобларида енгиб, ҳаётида илк маротаба АТР турнирида ғалаба қилди, деб хабар беради Ўзбек телеграф агентлиги (ЎзТАГ).
Теннисчилар кортда 1 соат 42 дақиқа ўтказдилар. Ҳар икки теннисчи иккитадан брейк-пойнт амалга оширагани ҳолда, Денисдаги еттитага қарши ўлароқ, америкалик спортчида 12 эйс натижаси қайд этилди.
Юқоридаги натижа Истоминнинг ҳаётидаги илк шундай ғалабадир.
Ўйин анча драматик шаклда кечди. Биринчи сетни ютган Денис иккинчи сетда 5:2 ҳисобида олдинда бораётган пайтда Сэм унга етиб олди ва тай-брейккача олдинда борди (5:1). Ва ана шу вазиятда америкалик спортчининг омади чопмай, ҳам сет, ҳам баҳсни 6:8 ҳисобида бой берди.
“Мен ушбу ғалаба учун тер тўкдим. Мен бир-икки ўйинни ютиш учун эмас, балки турнирда ғалаба қилиш учун келаман. Келажакда АТР рейтингида юқорилаш ниятидаман. Иккинчи сетнинг тай-брейкида мен ҳисобни унитиб, шунчаки яхши ўйнашга ҳаракат қилдим. Ва бу мувафақият келтирди”, – деб иқтибос келтиради теннисчининг сўзларидан АТР расмий сайти.
Эслатиб ўтамизки, Ноттингемнинг очиқ чемпионати – ушбу британ шаҳрида июн ойида чимли кортларда ўтказиладиган профессионал теннис турниридир. 2015 йилдан бери соврин жамғармаси 589 минг евролик эркаклар турнири ATP 250 сериясига киради. Турнирнинг яккалик баҳсларида 48 иштирокчи, жуфтлик мусобақаларида 16 жуфтлик қатнашади.
