Денис Истомин Хертогенбошдаги турнирнинг биринчи доирасидан ўта олмади
Тошкент. 10 июн. ЎзТАГ – Ўзбекистонлик теннисчи Денис Истомин Хертогенбошдаги (Голландия) АТР турнирининг биринчи доирасидан ўта олмади, деб хабар беради Ўзбек телеграф агентлиги (ЎзТАГ).
Жаҳоннинг 44- ракеткаси португалиялик Жоао Соуза бўлган баҳсда ўзбек спортчиси 2:6, 6:0 ва 2:6 ҳисобларида ўйинни бой берди.
Турнир якунлангач Истомин АТР рейтингида 81-ўриндан тушиб кетиши мумкин.
Ўзбекистонлик теннисчини енгган Соуза эса иккинчи доирада Илья Марченко (Украина) – Михаил Южний (Россия) жуфтлиги ғолиби билан кортга тушади.
Чимли кортларда ўтказиладиган Росмалена чемпионати (2013 йилдан бери Topshelf Open ном билан машҳур) – ёз бошида Хертогенбошда маҳаллий Autotron convention center кортларида ўтказиладиган профессионал теннис турниридир.