Денис Истомин Марракешдаги АТР турнирининг иккинчи раундида испаниялик Пабло Каррено билан беллашади

Тошкент. 7 апрел. ЎзТАГ – Ўзбекистоннинг биринчи ракеткаси Денис Истомин Марракешдаги (Марокаш, Африка) АТР турнирининг иккинчи раундида испаниялик Пабло Каррено билан беллашади, деб хабар беради Ўзбек телеграф агентлиги (ЎзТАГ).

Бугунга келиб Денис Профессионал теннисчилар уюшмаси (АТР) рейтингида 72-ўринда, Пабло эса 52-поғонани эгаллаб турибди.

Мусобақаларнинг биринчи раундида Истомин 7(7):6(1), 6:4 ҳисобларида итальян спортчиси Лоренцо Жустинони (дунёнинг 257- ракеткиси), Каррено эса россиялик Евгений Донскийни мағлуб этди.

Очиқ манбаларда Денис Истомин ва Пабло Карренонинг шахсий учрашулари ҳақида маълумот йўқ.

Турнир етакчилари орасида дунёнинг 36- ракеткаси португал Жоау Соуза ва 38-ракеткаси испан Гильермо Гарсия-Лопес. Улар биринчи раундни ўтказиб юбордилар ва иккинчи раунддан бошлаб иштирок этадилар.

Эслатиб ўтамизки, The Morocco Tennis Tour – Challenger Tour профессиональ теннис турнири бўлиб, тупроқли кортларда 2007 йилдан бери ўтказилади.