Денис Истомин Ноттингемдаги ғалабадан кейин Уимблдон турнирининг биринчи доирасидан ўта олмади
Тошкент. 1 июл. ЎзТАГ – Ўзбекистоннинг биринчи ракеткаси Денис Истомин Ноттингемдаги ғалабадан кейин Уимблдон турнирининг биринчи доирасидан ўта олмади, деб хабар беради Ўзбек телеграф агентлиги (ЎзТАГ).
У испан Альберт Рамосга қарши баҳсда 2:6, 2:6, 2:3 ҳисобида мусобақадаги иштирокини тўхтатди.
Теннисчилар кортда ўтказган 1 соат 23 дақиқа давомида 28 ёшли Истомин (жаҳоннинг 62- ракеткаси) икки марта майдондан ташқарига тўп йўллади. Унинг 27 ёшли рақиби Рамос (жаҳоннинг 65- ракеткаси) уч эйс ва бешта брейк натижасини қайд этди ҳамда битта иккилик хатога йўл қўйди.
Бундан илгари Денис ва Альберт ўзаро учрашмаганлар.
Лондон турнирининг иккинчи даврасида Рамоснинг рақиби француз Жо-Вилфрид Цонга бўлади. Биринчи даврада у беш сетлик баҳсда Люксембурглик Жил Мюллерни енгган.