Денис Истомин Open Sud de France турнири чоракфиналида Ришар Гаске билан учрашади

Тошкент. 6 феврал. ЎзТАГ – Ўзбекистоннинг биринчи ракеткаси Денис Истомин Монпельеда (Франция) бўлиб ўтаётган Open Sud de France турнири чоракфиналида Ришар Гаске билан учрашади, дея хабар беради Ўзбек телеграф агентлиги (ЎзТАГ).

Чоракфинал учрашуви бугун тошкент вақти билан соат 23.00да бўлиб ўтиши керак.

Қайд этиш зарурки, Истомин ва Гаскеларнинг шахсий учрашувлари ҳисоби 1:5 бўлиб, француз теннисчиси фойдасигадир. 28-ёшли Денис француз спортчисини фақат бир маротаба Apia International Sydney турнири чоракфиналида (2012 ймл 12 январда) 7:6, 6:3 ҳисобларида енга олган.

Маълумот ўрнида, илгари мусобақанинг иккинчи даврасида ўзбек теннисчиси исроиллик Дуди Селани (7:6, 6:2), Гаске эса теннисчи Лукас Пуйени (6:3, 7:6) мағлуб этишган эди.

Open Sud de France – соврин жамғармаси $560,152 бўлган эркаклар халқаро турнири бўлиб, қаттиқ қопламали кортларда ўтказилади.

2009 йилдан бери турнир “ATP 250” мусобақалари тоифасига киради. Ушбу мусобақада яккалик баҳсларда 28 тенннисчи, жуфтлик баҳсларда 16 жуфтлик қатнашади.