Денис Истомин Штутгартдаги АТР турнирининг биринчи раундида теннис ветеранига ютқазди
Тошкент. 7 июн. ЎзТАГ – Бир оз вақт олдин Ўзбекистоннинг биринчи ракеткаси Денис Истомин Штутгартдаги (Германия) АТР турнирининг биринчи раундида теннис ветерани чехиялик Радек Штепанекка 5:7, 6:3 ва 3:6 ҳисобида ютқазди, деб хабар беради Ўзбек телеграф агентлиги (ЎзТАГ).
Ҳозирда Денис Профессионал теннисчилар уюшмаси (АТР) рейтингида 64-поғонада, Радек эса 129-ўринда бормоқда. Истомин 29, Штепанек эса 37 ёшда.
Ўзбек теннисчисининг энг яхши натижаси 2012 йилда қўлга киритилган бўлиб, ўшанда у жаҳон рейтингининг 33-поғонасига чиққан бўлиб, чех теннисчиси эса 2006 йилда дунёдаги энг зўр теннисчилар ўнталигида 8-ўринни эгаллаган.
Спортчилар ўзаро фақат бир марта Индиан-Уэллс (АҚШ) турнирида учрашганлар. Ўшанда уч сетда (6:1, 3:6 и 6:1) чех ғалаба қилган. Эндиликда ҳисоб Радек фойдасига 2:0.
Турнир етакчилари орасида жаҳоннинг 3-ракеткаси швейцар Рожер Федерер борлигини таъкидлаш зарур. Шунингдек, етакчилар орасида дунёнинг 7-ракеткаси Доминик Тим ва хорват Марин Чиличлар (жаҳоннинг 13-ракеткаси) ҳам бор. Айнан шу спортчи иккинчи раундда Истомин-Штепанек жуфтлиги ғолиби билан ўйнайди.
Эслатиб ўтамизки, профессионаллар ўртасидаги Mercedes Cup эркаклар теннис турнири германиянинг Штутгарт шаҳрида чимли кортларда ўтказилмоқда. Мусобақанинг соврин жамғармаси 410 минг евро. Ғолибга 74 минг евро мукофотдан ташқари “Мерседес Бенц” автомобили ҳам насиб қилади.
