Диего Симеоне Хосеп Гвардиолага айёрлик қилади
Тошкент. 3 май. ЎзТАГ – Испаниянинг “Атлетико” жамоаси бош тренери Диего Симеоне “Альянц Арене”да ҳамкасби, мюнхеннинг “Бавария”си мураббийси Хосеп Гвардиолага айёрлик қилади, деб хабар беради Ўзбек телеграф агентлиги (ЎзТАГ) Чемпионлар лигаси жавоб учрашуви арафасида. Ушбу ўйин бугун тошкент вақти билан соат 23.45да бошланади.
Бугун томошабинлар нимани кўришларининг тахминан тасаввур қилиш учун бош тренерлар жавоб учрашувига қандай кайфиятда келганини тушуниш зарур.
Хусусан, Хосеп Гвардиола яқинда “мен бошчилигимда “Бавария” учинчи мавсум қаторасига яримфиналда ўйнаяпти”. “Бу катта шараф. Биз финалга чиқишимиз учун энг яхши ўйинимизни кўрсатишимиз зарур. Биз қанча гол уришимиз ҳақида ўйламаслигимиз лозим. Биринчи навбатда яхши ҳимояланиб, ўйинни назорат қилиш керак”, - деб давом этди у.
Гвардиола бошни голлар сони билан оғритмаслик кераклигини айтиши яхши. Аммо унинг сифатли ҳимоя ва ўйинни назорат қилиш ҳақидаги сўзлари кишини қайғуга солади.
Нега дейсизми?
Чунки одатда ўйинни назорат қилиб, сифатли ҳимояга интилган жамоа “Атлетико”нинг қурбонига айланади.
Ўз навбатида, Симеоне кеча “биринчи ўйинда бизга қандай қулай бўлса, шундай ўйнадик”, деб таъкидлади. Эртага биз “Бавария” қанчалик кучлилигини кўрамиз, айни пайтда, ўзимизнинг кучимизни ҳам синаймиз. “Бавария” қандайдир қўшимича босим олади, деб ўйламайман”, - деб давом этди у. Аслида, Диего “кучни синаш” ҳақида гапирганда, ҳисобни ушлаб туришга қаратилган ўйинни кутиш зарур. Кўп эҳтимол билан унинг бошида тезкор қарши хужумлар ва бутун майдон бўйлаб кучли прессинг режаси пишаяпти.
“Қўшимча босим”га келсак, уни кутиш мумкин. Чунки Гвардиола “Бавария”дан қандай қилиб бўлсада, чиройли кетиши керак. Бундай ҳолатда эса ҳам унинг ўзи, ҳам жамоа бир оз асабийлашиши мумкин. Бунинг натижасида тўп узатишда хатоликлар келиб чиқади, “Атлетико” эса бундан албатта фойдаланади.
Мадриддаги биринчи ўйиндан кейиноқ ёзганимиз каби, Мюнхендаги ўйин ҳам нолли дуранг ёки бошқа ҳисобдаги дуранг билан якунланиши мумкин. Лекин ҳар қандай ҳолатда ҳам ўйин қизиқарли ва асабий бўлади.
