“Dori-Darmon” АК мутахассислари Германияда стажировкадан ўтадилар
Тошкент. 21 сентябр. ЎзТАГ – “Dori-Darmon” АК мутахассислари Германиянинг етакчи компанияларида корпоратив бошқарув соҳасида малакаларини ошириш мақсадларида стажировкага йўлланма олдилар, деб хабар беради Ўзбек телеграф агентлиги (ЎзТАГ).
АК маълумотларига кўра, Ўзбекистон топ-менеджерлари учун корпоратив бошқарув соҳасида бошқарув ходимлари малакасини ошириш бўйича 4 босқичли ўқув курсининг энг яхши тингловчилари немис компанияларида таълим олишга эга бўлдилар.
Конкурс якунлари бўйича “Dori-Darmon” АК 6 вакилидан 5 Даймлер АГ, Сименс АГ, Тиссен Крупп АГ, Байер АГ ва бошқа етакчи немис ширкатларида малака оширадилар.