Дунёнинг етакчи давлатлари раҳбарлари Ўзбекистонни Мустақиллик куни билан қутламоқдалар
Тошкент. 31 август. ЎзТАГ – Дунёнинг етакчи давлатлари раҳбарлари Ўзбекистонни Мустақиллик куни билан қутламоқдалар, деб хабар беради Ўзбек телеграф агентлиги (ЎзТАГ) Ўзбекистон Республикаси президенти матбуот хизмати сайтидаги хабарларга асосланган ҳолда.
“Мамлакатингиз бу тарихий санани байрам қилаётган шу кунларда биз Ўзбекистон мустақиллиги, суверенитети ва ҳудудий яхлитлигини доимо қўллаб-қувватлашимизни яна бир бор таъкидлаймиз. Америка Қўшма Штатлари 1991 йилнинг 25 декабрида биринчилардан бўлиб Ўзбекистон мустақиллигини тан олган пайтдан бошлаб мамлакатларимиз ўртасида мустаҳкам шериклик муносабатлари ўрнатилган. Мамлакатларимизнинг янада хавфсиз, фаровон ва демократик келажак йўлидаги ҳамкорлиги узоқ йиллар давом этишига ишонаман”, - дейилади АҚШ президенти Барак Обаманинг мактубида.
Шунингдек, ХХР раиси Си Цзиньпин, Германия Федератив Республикаси Федерал Президенти Йоахим Гаук, Польша Республикаси Президенти Анджей Дуда, Бирлашган Араб Амирликлари Президенти Халифа бин Зоид Ол Наҳаён, Бирлашган Араб Амирликлари Вице-президенти, Бош вазири, Дубай Амирлиги ҳокими Муҳаммад бин Рошид Ол Мактум, Бирлашган Араб Амирликлари Қуролли кучлари бош қўмондони ўринбосари Муҳаммад бин Зоид Ол Наҳаён ва бошқалар ҳам Ўзбекистонни Республикаси президенти ва Ўзбекистон халқига ўз табрикларини йўллаганлар.
