Душанбеда бўлиб ўтадиган тожик-ўзбек бизнес-форуми Ўзбекистон президентининг ташрифи доирасида ўтказилади

Тошкент. 20 феврал. ЎзТАГ – Март ойида Душанбеда тожик-ўзбек бизнес-форуми бўлиб ўтади ва у Ўзбекистон президенти Шавкат Мирзиёевнинг март ойи биринчи ўн кунлигига белгиланган ташрифи доирасида ўтказилади, деб хабар беради сешанба куни Тожик телеграф агентлиги (ТожТАГ).

“Тожикистон ва Ўзбекистон ишбилармон доиралари бизнес-форуми март ойининг биринчи ўн кунлигида Душанбеда бўлиб ўтади”, - деб хабар берди ТР ҳукуматидаги манба.

Форумда тожик ва ўзбек бизнесининг етакчи вакиллари қатнашиши кутилмоқда. Тадбир доирасида шартномалар ҳам имзоланади.

Бундан олдин, ўтган йилда икки қўшни мамлакатда ишлаб чиқарилган товарлар кўргазмаси навбати билан Душанбе ва Тошкентда ўтказилган эди.

Олдин хабар берилгани каби, ўзбек етакчисининг март ойи биринчи ўн кунлигига белгиланган ташрифи доирасида ҳамкорликка доир қатор битимлар имзоланиши кутилмоқда.

Статистика маълумотларига кўра, 2017 йилда Тожикистон ва Ўзбекистон ўртасидаги савдо айланмаси $126 млнни ташкил қилди, шу жумладан, Ўзбекистондан қўшни мамлакатга товарлар импорти $69 млнни, тожик товарларининг экспорти эса $57 млнни ташкил этди.

Сурат манбаи: https://www.trend.az/business/economy/2390288.html