Дзюдо бўйича Ўзбекистон термаси Осиё чемпионатига тайёргарлик кўрмоқда
Дата: 17:11, 28-03-2016.
Тошкент. 28 март. ЎзТАГ – Дзюдо бўйича Ўзбекистон эркаклар термаси Тошкентдаги 15-17 апрел кунлари бўлиб ўтадиган Осиё чемпионати финалига тайёргарлик кўришни бошлади, деб хабар беради Ўзбек телеграф агентлиги (ЎзТАГ).
Дзюдо федерациясидан маълум қилишларича, ушбу мақсадда дзюдочилар 5 апрелга қадар Чирчиқдаги “Кимёгар” спорт мажмуида ўқув машқ йиғинида бўладилар. Кейинчалик тайёргарлик пойтахтдаги Осиё дзюдо марказида давом этади.
Аёллар термаси 23 март-6 апрел кунлари Осиё дзюдо марказида тайёргарликдан ўтмоқда.
Бўлажак Осиё чемпионатида жаҳоннинг 30 ортиқ мамлакатларидан спортчилар иштирок этиши кутилмоқда.
