ЕХҲТ ДИИҲБ миссияси оралиқ хулосасини эълон қилди
Тошкент. 25 ноябр. ЎзТАГ – Куни кеча, 24 ноябрда Европада хавфсизлик ва ҳамкорлик кенгашининг Демократик институтлар ва инсон ҳуқуқлари бўйича миссияси (ЕХҲТ ДИИҲБ) Ўзбекистон Президенти сайловини кузатиш бўйича оралиқ хисоботи эълон қилинди, деб хабар беради Ўзбек телеграф агентлиги (ЎзТАГ).
Жорий йилнинг 2 ноябридан 20 ноябригача бўлган даврни ичига олган ҳисоботда Ўзбекистондаги сайловига тайёргарлик кўриш ва уни ўтказиш жараёни таҳлили келтирилган. Ўтаётган сайловлар президент Ислом Каримовнин 25 йиллик давридан кейин мамлакатдаги бурилиш даври деб аталган.
ЕХҲТ экспертлари Ўзбекистонда 2015 йил мартдаги президентлик сайловларидан кейин мамлакат сайлов қонунчилигининг такомиллаштирилганини, ЕХҲТ ДИИҲБнинг аввалги тавсияларини инобатга олинганлигини қайд этдилар. Гап хусусан, президентликка номзодлар кўрсатиш учун зарур имзолар сонининг 5%дан 1%га камайтирилгани, МСК қарорларининг ташкилот сайтида мажбуран чоп этилишининг бекор қилиниши кабилар ҳақида кетмоқда.
Шунингдек, экспертлар сайлов кампаниясида сайловчилар билаш учрашувлар учун видео-конференц-алоқадан фойдаланиш кўпроқ сайловчиларни қамраб олиш имконини берганига эътибор қаратдилар. Қонунчиликка тузатишлар ҳозирга қадар ўтказилмаган дебатларни ҳам кўзда тутади.
Маълумот ўрнида, ДИИҲБ Ўзбекистондаги сайловларда еттинчи марта, лекин тўлақонли миссия билан биринчи марта қатнашмоқда. Унга 4 декабр куни ЕХҲТ 21 мамлакатидан 250 қисқа муддатли кузатувчилар қўшилади.
