ЕХҲТ Ўзбекистонда оммавий ахборот воситаларини блокировка қилишни тўхтатишни талаб қилади
Тошкент. 18 апрель. ЎзТАГ – Европада хавфсизлик ва ҳамкорлик ташкилотининг (ЕХҲТ) ОАВ эркинлиги масалалари бўйича вакили Арлем Дезир Ўзбекистонда муайян оммавий ахборот воситаларини блокировка қилишни тўхтатишга чақирди, дея хабар беради Ўзбек телеграф агентлиги (ЎзТАГ).
“Мен ҳукуматга (Ўзбекистон – ЎзТАГ) онлайн-оммавий ахборот воситаларидан эркин фойдаланишни таъминлаш учун қатор ислоҳотлар ўтказиш тўғрисида илтимос билан мурожаат қилдим. Мен ҳар қандай тўсиқ чора-тадбирлари фақат халқаро стандартларга мувофиқгина оқланиши мумкинлиги, такрорий ҳолатларда қўлланиладиган ва қонуний мақсадга мутаносиб равишда мос келиши мумкинлигини такрорлашни истардим”, - деди у ташкилот веб-сайтида эълон қилинган расмий баёнотида.
Унинг сўзларига кўра, Ўзбекистонда Ozodlik, Eurasianet.org, AsiaTerra, Uzmetronom, Фергана.ру ва бошқа онлайн нашрлари ҳали ҳам блокланмоқда.
“Бироқ тақиқланган манбалар рўйхати ҳам, кўрсатилган ахборот воситаларини блоклашга олиб келадиган аниқ мезонлар ҳам оммага маълум бўлмади”, - дейди А.Дезир.
ЕХҲТ вакили Ўзбекистон ҳукуматини блокланган сайтларга киришни қайта тиклашга ва мамлакатда ахборот ва сўз эркинлигига эришишга таъсир кўрсатадиган қонун ва қоидаларни ислоҳ қилишга чақирди.
“Рўйхатдан давлатлар ўзларининг қонунлари, сиёсати ва амалиёти оммавий ахборот воситаларининг эркинлиги билан боғлиқ бўлган халқаро мажбуриятларга тўлиқ мос келишини кафолатлашлари керак”, - деб ўз сўзини якунлади.
Эслатиб ўтамиз, 2018 йилда Ўзбекистон Вазирлар Маҳкамаси “экстремистик ёки нафратга асосланган контентни қўллаб-қувватлашга тарғиб қилувчи” оммавий ахборот воситаларини блокировка қилиш тўғрисидаги қарорни қабул қилган.
Сурат манбаи: osce.org
