Экранларда “Ералаш”нинг ўзбекча варианти пайдо бўлади

Тошкент. 4 апрель. ЎзТАГ – Ўзбекистонда жорий йилда “Зумраша” болалар юмористик киножурналининг 12 серияси олинади, дея хабар беради Ўзбек телеграф агентлиги (ЎзТАГ).
Ҳар бир цикл 15 минут давом этиб, 4 эпизоддан иборат бўлади. “Зумраша”ни суратга олишдан кўзланган мақсад иккита. Биринчидан, маҳаллий телевидениеда болалар учун биринчи киножурнал пайдо бўлади. Иккинчидан, Ўзбекистон халқ артисти Хайрулла Саъдиев бошчилигидаги суратга олиш жараёни ёш режиссер ва актёрлар учун ўзига хос мактаб ролини ўтайди”, деб таъкидлади “Ўзбеккино” қошидаги бешинчи ёшлар тажриба студияси директори Иззатилла Саиджабборов.
Ҳозирда киножурналнинг биринчи цикли устида ишлар ниҳоясига етмоқда. Тез кунда у маҳаллий кинотеатрларда киносеанслар олдидан кўрсатилади ва айни пайтда ТВ - экранларида ҳам намойиш этилади.