Эксперт Марказий банк сўмнинг расмий курсини сезиларли равишда тезлаштириши зарур деб ҳисоблайди

Тошкент. 12 май. ЎзТАГ – Мустақил иқтисодчи-эксперт Юлий Юсупов Марказий банк сўмнинг расмий курсини сезиларли равишда тезлаштириши зарур деб ҳисоблайди, деб хабар беради Ўзбек телеграф агентлиги (ЎзТАГ).

“Бу либерализация ўтказиш услублари муаммоларидан бири. Танланган

тактика самарасиз. Расмий курс жуда секин девальвация қилинмоқда. Бу ҳолда аҳоли ва  бизнесда қора бозордаги доллар ҳам ўса бошлаши ҳақида тасаввур ҳосил бўлади. Бу ҳол долларга талаб ошишига олиб келади ва курс ҳақиқатдан ҳам ўса бошлайди. Марказий банк бунга йўл қўймаслик учун сўмнинг расмий курси ўсишини сезиларли равишда тезлаштириши зарур”, - деди у UZ24 нашрига берган интервьюсида.

Тушуниш керакки, деб давом этди Юсупов, бозор алмаштирув курслари девальвацияси пул эмиссиясига кучли боғлиқ. “Марказий банк янги пулларни қанча кўп чиқарса, ички нархлар шунча тез ошади ва сўм қадри бошқа валюталарга нисбатан шунча тез туша бошлайди. Бу иқтисодиётнинг объектив қонунлари ва қизиғи, уларнинг валюта бозорини либераллаштиришга ҳеч қандай алоқаси йўқ”, - деб қўшимча қилди эксперт.