Экспортни қўллаб қувватлаш жамғармаси 2016 йил охирига қадар ўзбек тадбиркорларига қиймати $1,5 млрдлик товарларни экспорт қилишда ёрдамлашишни режалаштирмоқда

Тошкент. 5 март. ЎзТАГ - 2016 йил охирига қадар Экспортни қўллаб қувватлаш жамғармаси низом капиталини 2 мартага ошириб, ўзбек тадбиркорларига қиймати $1,5 млрдлик товарларни экспорт қилишда ёрдамлашишни режалаштирмоқда, деб хабар беради Ўзбек телеграф агентлиги (ЎзТАГ).

Жамғармадан маълум қилишларича, Миллий банк фермер хўжаликлари билан биргаликда экспортни кўпайтириш мақсадларида Ўзбекистоннинг барча худудларида агрофирмалар ташкил этмоқда. Улар йирик импортчилар ва хорижий савдо тармоқлари учун рақобатбардош нархларда маҳсулотлар етказиб бериш имкониятларини оладилар.

Бундан ташқари, жамғарма 300 ортиқ тадбиркорга 20 халқаро кўргазма ва ярмаркаларда иштирок этишида, уларнинг $250 млндан зиёдлик маҳсулотини экспорт қилишда кўмаклашади.

Шу билан бирга, 19 минг кичик бизнес субъектларига 173 хорижий мамлакатларда ҳамкорлар топиш ва 26 янги маҳсулотларни илгари суришда кўмаклашиш реалаштирилган.

Шунингдек, 100 ортиқ фермерлар ва агрофирмалар раҳбарлари учун хорижда қишлоқ хўжалик маҳсулотларини ишлаб чиқариш, сақлаш, қайта ишлаш ва экспорт қилиш масалаларида малака ошириш курслари ташкил этилади.