“Элсиб” Ўзбекистонга Тахиатош ИЭС учун электродвигателлар жўнатди

Тошкент. 2 август. ЎзТАГ – “Элсиб” ИИЧБ Ўзбекистонга Тахиатош ИЭС учун бешинчи 4АЗМ-5000/6000 ХЛ4 электродвигателини жўнатди, деб хабар беради Ўзбек телеграф агентлиги (ЎзТАГ) корхона матбуот хизматига асосланган ҳолда.

“Ўзбек компанияси билан 2015 йилда очиқ танлов натижалари бўйича электродвигателлар етказиб беришга доир тузилган шартнома июл охирида ёпилди”, - дейилади сешанба куни эълон қилинган хабарда.

Аниқлаштирилишича, Тахиатош ИЭС учун электродвигателлар етказиб бериш – Ўзбекэнерго электростанцияларини қайта техник жиҳозлаш дастури доирасидаги ҳамкорлик самарасидир.

Дастурдан кўзланган мақсад – янги замонавий технология ва ускуналарни жорий этишдир.

Эслатиб ўтамизки, кейинги 3 йилда “Элсиб” Ўзбекистонга тўртта электростанция етказиб берди (Янги-Ангрен ИЭС, Навоий ИЭС, Сирдарё ИЭС, Тахиатош ИЭС). Булар қуввати 2000дан 8000 кВтгача бўлган 12 электродвигателлардир.