Элёр Ғаниев Ўзбекистонда қарзларни қайтариш бўйича кечикишлар бўлмаганлиги ҳақида баён қилди

Тошкент. 2 феврал. ЎзТАГ – Ўзбекистонда мустақиллик йилларида бирон бир хорижий қарзларни қайтариш бўйича бирон марта ҳам кечикиш бўлмаган. Бу ҳақда Ўзбекистон Республикаси Ташқи иқтисодий алоқалар, инвестициялар ва савдо (ТИАИСВ) вазири Элёр Ғаниев томонидан Америка-Ўзбекистон савдо палатасининг навбатдаги мажлисида баён қилди.

Вазирнинг сўзларига кўра, иқтисодий ўсишнинг юқори суръатларига эга бўлган Ўзбекистон америка бизнесининг ишончли ҳамкоридир.

“13 йилдан бери Ўзбекистон ЯИМ ўсиши ўртача йилига 8% ташкил қилмоқда, саноат маҳсулотлари ишлаб чиқаришнинг ўсиши 5 мартадан кўпга ўсди, экспорт 30 баравардан кўпга ошди, 12 йилдан бери бюджет профицити, савдо ва тўлов баланси таъминланмоқда. Давлатнинг ташқи қарзи ЯИМ 16% ошмайди, мустақиллик йилларида бирон бир хорижий қарзларни қайтариш бўйича бирон марта ҳам кечикиш ҳолати бўлмаган”, - деди вазир.

Шунингдек, вазир кейинги 15 йилда экспорт ҳажми ўртача йилига 10-12% кўпаяётгани, мустақиллик йилларида $180 млрддан зиёд инвестициялар ўзлаштирилгани, бундан $60 млрд кўпи тўғридан тўғри хориж капитали эканлигини ҳам айтиб ўтди.

У бозор ислоҳотлари чуқурлаштирилиши, 4 янги ЭИҲ ташкил этилиши, “Коррупцияга қарши кураш тўғрисида”ги қонун қабул қилинганига ҳам эътибор қаратди.

Олдин хабар берилгани каби, 1 февралда Тошкентда Америка-Ўзбекистон савдо палатаси йиғилиши бўлиб ўтди. АҚШ делегациясига АЎСП раиси Кэролин Лэмм бошчилик қилмоқда.

Маълумот ўрнида, 2016 йилдаги $453,8 млнлик товар айланмасининг $44,4 млнини экспорт, $409,4 млнини импорт ташкил қилди.

Ўзбекистонда америка капитали иштирокида 164 компания ишлаб турибди, Булардан 122 ҚК ва 42таси 100% хориж капитали иштирокида. Ўзбекистонда 29 америка компаниясининг ваколатхонаси рўйхатдан ўтказилган.