Энди Ўзбекистонда йўл ҳаракати қоидаларини инглиз тилида ҳам ёд олиш мумкин
Тошкент. 12 июл. ЎзТАГ – Урганч давлат университетининг бир гуруҳ изланувчи ўқитувчилари томонидан умумтаълим мактабларининг бошланғич синф ўқувчилари учун йўл ҳаракати қоидаларини ўргатиш бўйича инглиз тилидаги электрон қўлланма ишлаб чиқилди, деб хабар беради Ўзбек телеграф агентлиги (ЎзТАГ).
Интеллектуал мулк агентлиги маълумотларига кўра, ушбу дастур умумтаълим мактабларининг бошланғич синф ўқувчиларига йўл ҳаракати қоидаларини инглиз тилида ўргатиш учун мўлжалланган. Шунингдек, ундан ота-оналар фарзандларига йўл ҳаракати қоидаларини инглиз тилида ўргатишда ҳам фойдаланиши мумкин.
Қўлланма фойдаланиш учун жуда қулай бўлиб, унда мултимедиа имкониятини қўллаш, керакли бўлим ва мавзуга тез ўтиш, ўрганилаётган матннинг кўплаб варақларини тезда очиш имкониятлари мавжуд.
