Эндиликда Ўзбекистонда солиқ органлари хўжалик субъектларининг ҳисоб операцияларини мустақил равишда тўхтатиб қўя олмайди

Тошкент. 11 апрель. ЎзТАГ – Эндиликда Ўзбекистонда солиқ органлари хўжалик субъектларининг тижорат банкларидаги ҳисоб операцияларини фақат суд қарори билан тўхтатишлари мумкин бўлади, дея хабар беради Ўзбек телеграф агентлиги (ЎзТАГ).
Ушбу меъёр давлат раҳбарининг “Ўзбекистон Республикасида инвестицион иқлим ва ишбилармонлик муҳитини янада такомиллаштириш бўйича қўшимча чоралар тўғрисида”ги қарори билан жорий этилди.
Янги тартибга биноан солиқчилар хўжалик субъектларининг ҳисоб операцияларини фақат улар солиқ, молия ҳисоботлари тақдим этмаса ёки ўзлари томонидан кўрсатилган манзилда бўлмаган ҳолдагина фақат суд қарорига кўра тўхтатиб қўйишлари мумкин.
Эслатиб ўтамиз, илгари солиқ тўловчининг ҳисоб операциялари солиқ органлари қарорлари асосда амалга оширилиши мумкин эди. Бунинг учун солиқ тўловчи юридик шахс белгиланган муддат тугаганидан кейин 15 кун мобайнида солиқ ёки бошқа ҳисоботларни топширмаслигининг ўзи кифоя эди.