Энг йирик ўзбек суғурта компанияси Кореянинг KSure ширкати билан меморандум имзолади
Дата: 14:46, 19-06-2014.
Тошкент. 19 июн. ЎзТАГ – “Ўзбекинвест” Миллий экспорт-импорт суғурта компанияси ва Корея савдони суғурталаш корпорацияси - KSure ўзаро ҳамкорлик тўғрисида меморандум имзоладилар, дея хабар беради Ўзбек телеграф агентлиги (ЎзТАГ).
“Ушбу хужжат Жанубий Корея президенти Пак Кин Хэнинг Ўзбекистонга ташрифи доирасида имзоланди. У иккитомонлама манфаатларига тааллуқли бўлган лойиҳаларни, шу жумладан, учинчи мамлакатлардаги ўзбек-корейс қўшма лойиҳаларини қайта суғурталаш бўйича, амалга оширишда ҳамкорликни кўзда тутади”, - деб таъкидлашди “Ўзбекинвест” МЭИСК матбуот хизматида.
