Енгил атлетикачи Светлана Радзивил 2016 йилдаги Олимпия ўйинларига боради
Дата: 17:14, 13-07-2015.
Тошкент. 13 июл. ЎзТАГ – Енгил атлетика бўйича Ўзбекистон термаси аъзоси Светлана Радзивил Рио-де-Жанейродаги 2016 йилги Олимпия ўйинлари меъёрларини бажарди, деб хабар беради Ўзбек телеграф агентлиги (ЎзТАГ).
Миллий олимпиа қўмитасидан хабар беришларича, Мадридда (Испания) бўлиб ўтган 33rd Meeting Madrid 2015 мусобақаларида Светлана Радзивил баландликка сакрашда 194 см натижа кўрсатиб Сент-Люсиялик Levern Spencer билан иккинчи ўринни бўлишиб олди.
Эслатиб ўтамизки, С. Радзивилнинг сўнгги натижаларидан бири июл бошидаги Венгрия Гран-придаги “кумуш” совринидир. Венгер мусобақаларида С.Радзивил баландликка сакрашда 1,88 м натижа кўрсатиб, иккинчи ўринни олган эди.
