Эрон кичик узоқликдаги янги ракеталар ва учувчисиз учиш ускуналарини ишлаб чиқарганлиги ҳақида маълум қилди

Тошкент. 25 август. ЎзТАГ – Эрон кичик узоқликдаги янги ракеталар ва учувчисиз учиш ускуналарини (УУУ) ишлаб чиқарганлиги ҳақида маълум қилди, деб хабар қилади Қозоқ телеграф агентлиги (КазТАГ).

“Эрон ҳукумати кичик узоқликда амал қилувчи янги ракеталар ва учувчисиз учиш ускуналарини ишлаб чиқарганлиги ҳақида баёнот беради”, - дейилади агентликнинг якшанба куни тарқатилган хабарида.

Хусусан, сув устидаги нишонларни йўқ қилишга мўлжалланган Ghadir ракетаси ишлаб чиқилгани хабар қилинмоқда. Унинг ишлаш радиуси 100 кмга тенг. Давлат ОАВ орқали эълон қилинган баёнотда армия эҳтиёжлари учун Nasr-e Basir қанотли ракеталарининг ҳам чиқарилганлиги ҳақида айтилмоқда. Иш радиуси маълум қилинмаган бўлсада, ушбу ракета “овозсиз режимда” ишлай олиши қайд этилди.

Эронлик ҳарбийлар ракеталардан ташқари юқори ҳаво қатламларида ишловчи Karrar-4 ва Mohajer-4 УУУлари ишлаб чиқарилганлиги ҳақида ҳам хабар қилдилар. Ушбу ракеталар разведкани амалга ошириб, фуқаролик ва ҳарбий эҳтиёжлар учун топографик карталар туза олиши қайд қилинмоқда.