Эронлик Алиризо Фағоний ОЧЛ “Бунёдкор” ва “Ал-жазира” ўртасидаги ўйинга хизмат кўрсатади
Дата: 10:49, 05-02-2015.
Тошкент. 5 феврал. ЎзТАГ – Осиё футбол конфедерацияси Осиё чемпионлар лигасидаги тошкентнинг “Бунёдкор” ва БААнинг “Ал-жазира” жамоалари ўртасидаги ўйинга хизмат кўрсатувчи ҳакамлар бригадасини эълон қилди, дея хабар беради Ўзбек телеграф агентлиги (ЎзТАГ).
“Ҳакамлар бригадасига Эронлик ФИФА рефериси Алиризо Фағоний бошчилик қилади. У халқаро ўйинларда 2008 йилдан бери ҳакамлик қилади. Бундан олдин Фағоний бир маротаба “қалдирғочлар” ўйинига ҳакамлик қилган. Ўшанда “Бунёдкор” 2013 йилги чемпионлар лигаси гуруҳ босқичида “Поханг Стилерз” билан 2:2 ўйнаган эди”, – деб таъкидлашди “Бунёдкор” матубот хизматида.
Ўйин 17 феврал куни Тошкентда бўлиб ўтади.
